anak betawi….kerjaannya sembayang mengaji..!!

ondel ondelAnak betawi…. kerjaannya sembayang mengaji…
Tuh lagu bener juga sih!

Jaman dulu ditane betawi saban abis menggerib bocah bocah panting pegi ngaji. Sebelom azan bebunyi, bocah bocah udah dateng bekumpul di langgar. Rame rame sembayang terus ngaji di langgar.

Ada juga sih yang ngaji di rumah guru. Kalo dulu Ogut rasa jarang sebutan ustad, yang ada Guru anu, Guru Fulan, Haji Anu, Haji Fulan, Habib Anu, Habib Fulan, begitu.

Jaman makin berobah, orang betawi udah mencar, mingser ke pinggiran. Peradaban ngikut berobah, pengaruh mulain masup. Mati obor kejadian, ilang tradisi dan budaya kejadian juga.

Jarang bocah sekarang ngaji saban abing menggerib, emang masih ada juga sih.Tapi kaga serame jaman dulu. Biar kate ngga ada listrik, anak anak giro kerumah guru, bebaris beriringan sambil bawa obor. Subhanalloh…

Tapian enak juga jaman sekarang, ngaji gampang, asal mao. Udah banyak buku, program tuntunan ngaji, kaset, Tipi, VCD cara ato belajar mengaji. Ada juga tuh yang on-air ato on-line. Udahan gitu ustad dimana mana, seabrek abrek. Asal mao aja.

Yah Ogut beharap kemajuan teknologi ato kemajuan jaman bisa kita ambil mangfaatnya.

Ayo deh bapa bapa, babeh babeh, sudare sudare ajak Si Pandi, Si Mamat pegi ngaji. Jangan dibiarin ENAK entar dia bengal gedenya..!!

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s