Haji Saik marah negarenye di hine orang..!

Bendera Indonesia

peta indonesia

Haji Saik sewot bukan kepalang, apalagi denger kabar liwat berita di Tipi. Ada beberapa kebudayaan bangsa yang diakuin negara laen, di tulat mentah mentah. Belom lagi lagu kebangsaan yang di hina hina negara laen. Makin panas Haji Saik dengernya.

“Muke gile pade, ini negare negare gua, baba moyang gua yang bejuang untuk merdeka.  Enak aje maen di akuin banda orang, borok sikut baru tau rase lu” tereak Si Saik di depan Tipi.

Pas tau ada pulo terluar yang di akuin negara laen, makin marah Si Saik.

“Ehh, mentang mentang negare lu ude kaya banda orang di akuin, itu pulo pulo gua, sejek bujek itu pulo punya bapa moyang gua, ngapain lu akuin segale, gua gedik modar lu” kata Saik ngencengin sabuk ijonya dan semakin panas atinya.

“Jangan mentang mentang elu sudare, urusan ini gak kenal sudare, ini harge diri mertabat bangse gua, tanah aer gua, tempat berojol gua! Segale! pade” kata Saik ngedumel.

“Anyu dah kalo berani lu cobain nin golok gua!” kata Haji Saik semakin panas yang mulain ngeluarin goloknya.

“Bang, udah Bang, sabar! nyebut! “ kata bini tuanya Si Mineh.

“Kaga bisa Nok, ini urusan gede, urusan bangse, urusan lelaki diem aja luh orang perempuan!” jawab Haji Saik yang kaga mao di tegor.

“Udeh Bang, pan ade pemerentah yang ngurusin, kita mah orang kecil bukan urursannya” jawab bini tuanya.

“Ngga bise dong, nah pemerentah diem aje, taunya senang doang, taunya duit…duit, gua ngga terimain begini, gua ngga terimain bangse gua di hine hine begini” jawab Haji Saik ngga mao kalah.

“Kalo begini lame lame Jengkol, Pete, Oncom ame Ondel ondel di akuin seenak perutnye aje” Kata Saik penuh rasa Nasionalisme.

3 responses to “Haji Saik marah negarenye di hine orang..!

  1. Hati2 Pak ! Kalau apa2 terjadi, 3 juta TKI di Malaysia dalam bahaya. Orang Malaysia tidak guna bululh runcing tp Machine Gun. Senjata yg lebih effective dr buluh runcing kamu.

  2. terima kasih komentarnya! hhhmmmmm…. ^.^

  3. Ping-balik: ujan! tetamu sepi « harisAhmad

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s