belanja baju lebaran…

shopping imagesUdah jamak kalu lebaran kite pade beli baju baru. Ngga yang mude ngga yang tue. Nggak tau mulain kapan, yang jelas sih dari Ogut kecil ampe sekarang ude begitu. Kontan pasar bejubel saling bedesekan. Orang beduyun duyun nyari baju buat lebaran. Ngga pasar tradisional ngga yang modern, penuh orang.

Semalem aje salah satu mall di cengkareng jakarta barat, wuih penuh! mao parkir aje ngantri panjang, apelagi di situ ade swalayan asal prancis jadi tambah banyak orang yang dateng. Mungkin belanja ato sekedar malem mingguan.

Yang jelas emang menjelang lebaran sih. Semuanye pade korting harga, kasih promosi buat penglaris. Obral banting harga, padahal sih cuman akal akalan aje biar menarik orang supaya beli.

Ni ari aje Ogut ame bini iter iteran di Blok M, aduh ampe pucet Ogut nahan panas ame aus, pait bener rasenye tenggorok, ape boleh buat kudu nahan ampe magrib. Luar biasa penuhnye, mao jalan juga susah, desek sane desek sini. Segale bau jadi atu, enek rasenye! ape lagi bau ‘cuke’, ampun dah!

Inget pesen Ogut kalu belanja apelagi mao lebaran, inget jagain barang ente, jagain tuh dompet, henpon, ati ati kudu waspada! Meleng meleng lenyap dompet, bisa berabe! Udah banyak kejadian.

Nah buat emak emaknye ame babeh, jagain tuh Si Kandi, Si Asrul, Si Mamat ilang berabe. Inget yang bawa nak kecil jagain bae bae jangan ampe kebintal ngarti! Ilang repot yang ade salah salahan laki ame bini.

Emang dasar pedagang yang kapitalis manfaatin situasi, kadang seenak pusernye aje naekin harge. Katanye banyak permintaan harga jadi naek. Ogut yang sebelomnya puase kurang seminggu beli kaos 52rebu, sekarang ude 75rebu. Pantes cepet kaya, pantes juga orang kaya tuenye pade kena struk. he he he maaf maaf nih .

Ayu deh kita belanja baju lebaran, inget jangan lupe ame orang susah, anak yatim, inget sodakoh, inget bayar zakat!

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s