masih aja macet…

traffic images

Pak Pulisi tulung dong ahh macet bener jalanan, padahal ari sabtu. kate orang sabtu banyak yang pre jadi jalanan longgaran dikit. Nah tapi liat aje sabtu kemarenan masih aje macet, susah liwat kudu nyelip nyelip.

Tapi Ogut liat liat semenjak bulan puase, saban nyorein jemnya orang pulang kereja, jalanan makin macet bejubel ame motor yang aung aungan, beloman lagi mubil mubil, beloman lagi angkot yang seabrek abrek.

Ogut ngga ngadi ngadi saban jem lima jalanan udah penuh, kate orang sih banyak yang buru buru mao buka puase dirumah. Bagus deh klo pada puase.

Yang Ogut tunggu tunggu jakarta jadi enak ngga macet, nti deh mulain lebaran kurang seminggu. Udah banyak yang pulang ke udik sudare sudare kita yang pendateng. Apalagi lebaran ampe lebaran seminggu, lega banget rasanye jakarta. Kalu lebaran kurang seminggu yang rame pasar, kalu lebaran ampe lebaran seminggu yang rame kebon binatang, bina ria, pokonye tempat piknik.

Macet, macet begitu deh yang namanye kota gede macem jakarta. Kalu nyalain pemerentah percume juga, udah pegel ati rasanye, begini begini aje ngga ade kemajuan. Udah berapa kali ganti kepale pemerentah, tetep bae.

Yang penting mulain aje deh dari diri kite masing masing untuk idup tertib. Mase ngga berubah kedepannye, se engga engganya anak cucu Ogut bisa ngerasain jakarta yang di idamin. Jakarta yang tertib, teratur, aman, bersih. Kudu lebih baik dari yang udah udah.

Ayu deh sudare sudare yang idup di Jakarta untuk idup lebih bae lagi. Kalu bukan kite siape lagi?

Ape nunggu jakarta di akuin Malaysia baru kite ribut???

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s