waspada penyakit di musim hujan

Ude waktunye akir taun nih, musim ujan juga ude dateng. Bukan cuman banjir yang jadi bahaye kalu musim ujan dateng. Tapi juga macem macem penyakit tuh yang ngikutin musim ujan.

Nih Mantri Ogut kasih resie untuk nyegah penyakit penyakit yang biase nongol di musim ujan, mudah mudahan mangfaat buat sudare sudare buat kite semue: (amin donk!)

Nyegah emplu (flu-baca) :

-Cuci Tangan. Katenye bagian gede dari nyebarnye emplu liwat kontak langsung. Jadi biasain tuh untuk cuci tangan, kalu bise pake sabun. Mantep lagi pake aer anget di Spa he he. Jangan cuman cuci tangan kalu abis cebok doang!

– Jangan nyentuh muke. Biasanye virus emplu masuk ke awak kite liwat mate, idung, atawa congor alias mulut. Jadi usahain jangan sering sering nyentuh muke. Kalu bise ye keluar rumeh pake masker. Kalu ade orang bebangkis tekep mulut ato idung. Jangan orang bebangkis kite diem aje di depannye, bise nepa kate orang cengkareng.

– Banyak makan yang begizi. Banyakin deh untuk makan bebuahan, sayuran biar sehat awak kite. Kuat daye tahan tubuhnye ame penyakit dan virus.

-Minum banyak Aer. Jangan musim ujan banyak aer kite kurang aer. Aer fungsinye ngangkat racun racun yang ade di dalem awak kite. Orang gede ngebutuin delapan gelas aer saban arinye. Usahain untuk banyak minum aer putih, untuk mengangkat entu racun-racun. Jangan doyannye minum anggur mulu, koit baru tau rase ente.

Nyegah Demam Berdare :

-Rajin bebenah, bersih bersih, kudu resik. Kite kudu rajin bersihin selokan aer, bak aer, kaleng bekas. Semue deh tampat yang ade aernye. Mangfaatnye untuk mutusin si nyamuk kembang biak.

Usir nyamuk dengan obat nyamuk. Sebelom kite molor naek ranjang pake obat nyamuk, yang poles, yang semprot, yang bakar, yang di setrum juga bole. Bakar ban bekas juga bole he hehe!

Yang gampang sih inget 3 EM

  • Melihat lihat isi blog Ogut
  • Membaca isi blog Ogut
  • Memberi komentar di blog Ogut

Nyegah Diare :

-Pas ujan turun saban ari, selokan selokan, comberan comberan, got got yang mampet biasanye ngeluap, dan ngebawa parasit cacing serta bakteri amoeba. Untuk nyegah diare biasain jage kebersihan. Rajinin cuci tangan cuci kaki, jangan motor aje yang rajin di cuci kalu musim ujan.

-Pake sendal. Pake alas kaki untuk nyegah penyebaran kotoran atau parasit masuk liwat kulit. Nginjek ranjau baru tau ente! empuk empuk he he!

-Jangan jajan sembarangan. Kalu mao jajan beli makanan liat liat dulu, bersih kaga? jangan maen jajan aje! Mending bikin kendiri.

Yah semoga bermangfaat ye! INGET sedia payung sebelom ujan. Artinye kite lebih bae mencegah, betul tida?

Kalu kite sakit kite yang suseh, negare nggak ngejamin kite! (maaf maaf nih) yang ade kite di peres rume sakit! (maaf maaf nih)

salam blogger indonesia!, salam Ogut!

Iklan

15 responses to “waspada penyakit di musim hujan

  1. Weleh…weleh….Pertamaxxxxxxx

  2. He….he…nyuruh pake sendal Bang….. 🙂
    Emang masih suka nyeker ya ? 😆

  3. bang haris penyakit abang yg bekas taon kemaren dah sembuh, awas lho ini dah musim ujan lagi, ntar kambuh tuh penyakitnya kudis, kurap, panu, jamur, ispa, ati2 ya bang 😀

  4. enak aje bang……. aku mah steril dari penyakit gituan…. hehehehe….
    ati2 penyakitnya kambuh ya bang….

  5. memang kita harus selalu waspada setiap pergantian musim juga, tdk hanya pas kemarau atau penghujan saja.
    apalagi bagi yg mempunyai anak2 yg masih balita, krn biasanya mereka mudah tertular.
    terima kasih utk info yg sangat bermanfaat ini, Mas Haris.
    Salam.

  6. Ping-balik: Penyakit Katarak di musim hujan « harisAhmad

  7. Ping-balik: Musim yang tidak menentu « Blognya Haris Ahmad

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s