Tragedi Bang Ariel

Sebut aja Arielludin (bukan nama sebenernya) yang biasa di sapa Bang Ariel. Biduan nomer wahit di kampung, dan juga pimpinan Orkes Melayu Pinterpan. Orangnya biasa aja, jelek nggak, ganteng juga jauh.

Beloman lama, gempar kampung Rawa Bulak lantaran Bang Ariel kedapetan ada maen mata sama Mpok May perawan kampung sebelah.

Banyak lelaki merasa iri ama Bang Ariel lantaran sanggup naklukin ati Mpok May yang cantik nan langsing.

“Aduh!! Ude gile elu Riel, mao di kemanain anak bini elu?” Kata Bang Ceking kang maen bass di Orkes Pinterpan.

Peduli setan, kalo udah cinta! Garem berasa gurih!!

Nah bener aja tuh, gak beselang berapa lama. Bang Ariel ketangkep warga lagi maen gila ama Mpok May di Kontrakan Aji Nur. Puguh semua warga merasa terpukul, apalagi Lurah Jukih selaku pejabat yang dipilih rakyat.

Di depan warga Bang Ariel ngaku udah berapa kali maen cinta ama perempuan, salah satunya ama Tariyem yang biasa ngebawain acara setiap kali show Orkes Melayu Pinterpan.

“Sebenernye sih masing ade 30 lagi nyang ude becinta ame aye di kampung ini” Kata Bang Ariel ngaku tobat wa tobil.

“Perasaan di kampung ini banyakan nenek nenek ama janda tua ketimbang perawan” Kata Lurah Jukih.

“Nenek nenek di embat juga!” Kata Lurah Jukih dalem atinya.

😀 😀 😀 pepesan kosong 😀 😀 😀 Just For Fun !!

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s