Tag Archives: cerita betawi

Nyari kerak telor

He he nyambut ulang taun jakarta. Makanan di model modelin biar keliatan ngikut menyemarakan ulang taun jakarta. Pokoknya a’La betawi dan jakarta. Gak ketinggalan menu khas dari betawi.

Suatu siang ari ….

“Pokoknya gua kaga mao peduli, musti ada besok!” Kata Mamang kasih intruksi.

“Elu cari yang gurih gurih buat besok!” Kata Mamang lagi.

Menurut jadwal dari “Si Bohay” besok ada keriyaan gede pake menu makanan betawi dan kue kue betawi. Baca lebih lanjut

cerita musim ujan

“Masyaalloh Pandi, elu masing ngompol aje! tue bangke juga!” tereak Mpo Ipah ame anaknye Si Pandi. “uhh gua jewer nih kuping biar panjang!” tereak Mpo Ipah kesetanan. “Aduh ampun Mak, sakitt!” jawab Pandi kelenger jejeritan nahan sakit.

“Entuh liat cucian ude se-abreg abreg, panting gantung kaga kering kering! ngarti luh!” katenye lagi makin keki. “Huh huh huh ampunin Pandi Mak!” jawab Si Pandi tambah nangis. Baca lebih lanjut

panen ubi

images dora

Ceita jaman dulu…

Sebut aja Si Bagol, perawakannya paling gede diantara temen temen sepermaenannya. Paling gede badannya, makannya paling banyak. Urusan perut nomer wahid, Bener! Tapi rada telat otaknya, maklum Tuhan kasih kelebihan kasih juga kekurangan.

Nah, masuk musim ujan biasanya di kampung lagi ada panen ubi. Makanan yang enak, empuk, dan lembut. Tentunya bisa over dosis karena dosis tinggi kalo di makan kebanyakan. Bisa empos emposan knalpot saban menit. Dat dut dat dut terus! Cobain deh! Baca lebih lanjut

udah beli baju lebaran belom?

kaos lebaran

Lebaran kurang 2 minggu pasar makin rame, rame yang jualan ame rame yang belanje. Terutame emak emak yang emang udah tugasnye belanje, gak ketinggalan rame ame anak anak yang pade pengen baju lebaran. Ade juga yang sesambatan nangis ditengah pasar.

Emang udah tradisi dari jaman dulu kalu mao lebaran pade beli baju lebaran, baju baru gitu. Nggak peduli emak bapaknya punya duit ape kaga, yang penting lebaran punya baju lebaran, begitu kate bocah bocah. Kesian pan yang emak bapaknya susah ngga gablek duit bangsa sepeser, sementara anaknya uring uringan minta dibeliin baju baru buat lebaran.

Mengkenye sudare sudare yang kelebihan duit inget ame orang susah, inget ame anak yatim. Tuh liat ude banyak orang yang miara anak yatim rejekinya makin nambah. Inget duit kaga dibawa mati.

Laen cerita kalo Ogut dulu nih setiap mo lebaran beli baju baru pasti minta beli jem robot robotan di pasar. Ude hebat banget deh lebaran pake baju baru ame jem robot robotan. Gak lupe beli bajunye kudu same ame ade perempuan Ogut, maklum anak sundulan. Ngga lupe juga nengok uwa di Ragunan ^.^

Kate orang orang tua dulu, baju baru biasanya pade pegih jait ame kang jait sebab baju toko mahal harganye. Itu juga yang make baju toko kalu bukan orang kaya ngga bisa munyain. Beda sekarang jait lebih mahal ketimbang beli baju jadi di pasar.

Nah sudare sudare selaen lebaran inget beli baju baru, ingetin juga Bayar Zakat tuh, inget sedekah, inget tuh ya. Inget juga puasanye di pol-in jangan kalah ame anak anak, malu ah ude tue bangke ngga puasa.

tadarusan…

Iqra

Berapa ari yang liwat Haji Saik cerita bulan puasa di jaman mudanya. Cerita kebiasaan anak muda kalo malem di bulan puasa. Atinya sedih liat anak jaman sekarang yang kurang semenggah ibadah romadon.

Menurut dia walo ngga semuanya tapi banyak anak muda di jaman sekarang terutama di tanah betawi ini yang udah jauh dari igame, udah lupa akar budayanya kendiri. Baca lebih lanjut